MSANII wa muziki wa kizazi kipya, Elibariki Munishi
‘Ney wa Mitego’ ameanza kurekodi video ya wimbo wake, ‘Muziki Gani’
aliomshirikisha Nassib Abdul ‘Diamond’.
Akizungumza jijini Dar es Salaam jana, Ney alisema
kwamba video hiyo inayotarajiwa kuwa ya aina yake, itarekodiwa katika maeneo
mbalimbali ya Jiji la Dar es Salaam.
Alisema kazi ya kutayarisha video hiyo imefanywa na
Kampuni ya Visual Lab chini ya Adam Juma, hivyo amewataka mashabiki kukaa
tayari kuipokea kazi hiyo pindi itakapokamilika.
Ney ambaye amekuwa akitoa nyimbo zinazomletea
msigano na wasanii wenzake, aliongeza kwamba pamoja na ‘singo’ yake hiyo
kuendelea kutamba, anaendelea na mpango wa kutayarisha kazi mpya.
“Nawashukuru mashabiki wangu kwa kuzipokea vizuri
kazi zangu, sina cha kuwalipa zaidi ya kuendelea kuwapa kazi nzuri zaidi,”
alisema.
Baadhi ya nyimbo alizopata kutoka nazo msanii huyo
ni pamoja na ‘Nasema Nao’, ‘Wamenichokoza’, ‘Ndolela’, ‘Itafahamika’ na
nyinginezo.
zinangaa kupita maelezo
ReplyDelete