Na Elizabeth John
MKALI
wa muziki wa RnB nchini, Benard Paul ‘Ben Pol’ amesema kwa kiwango
alichokionesha mshindi wa Epiq Bongo Star Search 2012, Walter Chilambo,
ameamua kufanya nae kazi pamoja na kumshirikisha baadhi ya kazi zake.
Akizungumza
jijini Dar es Salaam, Ben Pol alisema hakujua kama kuna watanzania
ambao wanatamani kazi anazozifanya na wanaotamani kuwa kama yeye wakati
bado ni mchanga katika fani hiyo.
“Kwangu
naona ni heshima kubwa sana msanii chipukizi kuimba wimbo wangu na
kuutendea haki jukwaani kama kautunga yeye, nafurahi kuona mashabiki
wananikubali katika kazi zangu,” alisema Ben Pol.
Alisema
kwasasa yupo kwenye mchakato wa kuachia video ya wimbo wake mpya wa
‘Pete’ ambao unafanya vizuri katika vituo mbalimbali vya redio.
Mkali
huyo ambaye aliwahi kutwaa tuzo ya mwanamuziki bora wa RnB mwaka jana
na mwaka huu kwa kupitia nyimbo zake za ‘Nikikupata’ na ‘Number one
Fun’, anawaomba wadau wa muziki huo kuendelea kumpa sapoti Walter pale
anapohitaji msaada kutoka kwao.
0 maoni:
Post a Comment